دوبيت محمد ود الفكي حمد
دونه الاستاذ ابراهيم طه
دونه الاستاذ ابراهيم طه
ﺳﻬﺎﻣﻨﺎ ﻣﻮﻗﻴﺎﺕ ﺟﻠﻼ ﺑﺮﺯﻥ
ﺧﻴﻮﻟﻨﺎ ﻣﺸﺮﺑﺘﺎﺕ ﻓﻮﻗﻬﻦ ﺑﻬﺰﻥ
ﻗﻠﻮﺑﻨﺎ ﻣﺪﻟﺠﺎﺕ ﻣﺎ ﻋﺎﺩ ﺑﻔﺰﻥ
ﺃﻟﺪ ﻓﻲ ﺩﺍﺭ ﺷﻜﻴﺮ ﺿﺎﺭﺑﻨﺎ ﻋﺰﺍ
..
ﻣﻦ ﻛﻮﻛﻴﻮ ﻣﺤﺎﻭﺭ ﺍﻟﻔﻲ ﺳﻄﺮ ﻣﺪﺭﻭﺟﺔ
ﻧﺎﺭﻫﺎ ﺍﺗﺴﺎﺭﺟﺖ ﻟﻘﺖ ﺍﻟﻌﻀﺎﻡ ﻣﺮﺗﻮﺟﺔ
ﻓﻮﺳﻴﺒﺔ ﺍﻟﺘﺮﻱ ﺍﻝ ﺍﺗﻤﺎﻳﺤﺖ ﻋﺒﻠﻮﺟﺔ
ﺍﺷﻌﺮ ﻛﺎﻥ ﻏﻔﻴﺖ ﻋﻨﺪ ﺍﻟﺒﺴﻢ ﻣﻔﻠﻮﺟﺔ
..
ﺳﺨﻠﺔ ﻭﺩ ﻓﻬﻴﺪ ﺍﻟﺸﺎﺭﻓﺔ ﻟﻠﺮﻓﺎﻑ
ﺩﻳﺴﻚ ﻟﻴﻞ ﻭﺧﺪﻙ ﻟﻠﺒﻬﻴﻢ ﻛﺸﺎﻑ
ﺍﺯﺍﻳﺎ ﻭﻃﺐ ﺟﺮﻭﺣﻲ ﺍﻟﺪﻣﻬﻦ ﻫﺘﺎﻑ
ﻓﻴﻚ ﻳﺎ ﻣﺴﻴﻜﺔ ﺍﻟﻜﺎﻣﻦ ﻋﻠﻲ ﺍﻟﺼﻔﺼﺎﻑ
..
ﺳﻬﺎﻣﻨﺎ ﻣﻮﻗﻴﺎﺕ ﺟﻠﻼ ﺑﺮﺯﻥ
ﺧﻴﻮﻟﻨﺎ ﻣﺸﺮﺑﺘﺎﺕ ﻓﻮﻗﻬﻦ ﺑﻬﺰﻥ
ﻗﻠﻮﺑﻨﺎ ﻣﺪﻟﺠﺎﺕ ﻣﺎ ﻋﺎﺩ ﺑﻔﺰﻥ
ﺃﻟﺪ ﻓﻲ ﺩﺍﺭ ﺷﻜﻴﺮ ﺿﺎﺭﺑﻨﺎ ﻋﺰﺍ
..
ﺭﻳﻘﻚ ﻭﺍﻟﺒﺮﺍﻕ ﻓﺮﺳﻲ ﺭﻫﺎﻥ ﻭﻧﺪﺍﻳﺪ
ﻛﻔﻠﻚ ﻭﺍﻟﻔﻠﻮ ﺍﻟﻔﻮﻕ ﺍﻟﻨﺤﺎﺱ ﻣﺘﺰﺍﻳﺪ
ﻣﺎﻳﻘﻚ ﻭﺍﻟﺠﺪﻱ ﺍﻟﻀﺎﺭﺏ ﻋﺴﻴﻨﻮ ﻭﻧﺎﻳﺪ
ﻓﺮﻙ ﺳﺎﻃﻊ ﺍﻟﻤﺰﺭ ﺍﺏ ﺳﺤﺎﺑﺎ ﻗﺎﻳﺪ
..
ﺣﺎﺟﺒﺎ ﻧﺎﺳﺨﻮ ﺫﺍ ﺍﻟﻨﻮﻥ ﻓﻲ ﺍﻟﻨﺤﻞ ﻭﺍﻟﻌﺼﺮِ
ﻗﺮﻧﺎ ﻛﺮﻓﻮ ﻃﺐ ﺩﻳﺪﺍﻥ ﺟﺰﺍﻳﺮ ﻧﺴﺮﻱ
ﻳﺎ ﻋﺒﻠﻮﺟﺔ ﺍﻟﺠﺒﻬﺔ ﺍﻟﻨﺸﺎﻙ ﺍﻟﻤﺼﺮﻱ
ﻓﺮﻱ ﻣﻮﺷﻢ ﺍﻟﻤﺰﺭ ﺍﻟﺘﻌﻮﻟﻮ ﺑﺘﺴﺮﻱ
..
ﺳﺠﺎﻋﺔ ﺍﻟﺒﻠﺒﻞ ﺍﻟﻔﻮﻕ ﺍﻟﻐﺼﻮﻥ ﺑﺘﺼﻴﺢ
ﺑﺘﻨﻘﺮ ﺣﺮﺣﺮﺓ ﻗﻠﺒﻲ ﺍﻟﻠﺴﺎﻧﻮ ﻓﺼﻴﺢ
ﺳﺒﻴﻜﺔ ﺍﻟﺼﺎﻓﻨﺎﺕ ﺍﻟﻐﺮ ﺑﻨﺎﺕ ﺍﻟﺮﻳﺢ
ﻫﻲ ﺍﻟﺠﺮﺍﺣﻬﺎ ﺣﺎﻗﻦ ﻓﻲ ﻓﺆﺍﺩﻱ ﺍﻟﻘﻴﺢ
..
ﺣﺮﺍﺟﻚ ﺳﺮﻗﻮ ﺍﻟﺸﺎﺗﻲ ﻭﺻﺒﺢ ﻣﺘﻨﺸﺮ
ﻭﻋﺎﺷﻘﻚ ﺩﻳﻤﺔ ﻥ ﺯﻋﺞ ﺍﻟﻤﻬﻤﺔ ﻣﻜﺸﺮ
ﻳﺎ ﺣﻮﻟﻴﺔ ﺍﻟﺪﺭﺝ ﺍﻟﻬﻨﻮﻧﻬﺎ ﻣﺪﺷﺮ
ﺑﻮﻟﻴﺴﻚ ﻣﺴﺮﺡ ﻭﺑﺮﻣﻲ ﺩﻭﻥ ﻣﺎ ﻳﺄﺷﺮ
..
ﻟﺴﺎﻥ ﺑﺎﻫﻲ ﺍﻟﻮﺭﻳﺪ ﺍﻟﻤﻮ ﺷﺮﺱ ﻫﺮﺍﺝ
ﺗﺒﻮﺏ ﺍﻟﺴﻴﺢ ﻭﻋﻴﻮﻥ ﺍﻟﻐﺎﻓﻲ ﻓﻲ ﺍﻟﺴﻬﺮﺍﺝ
ﺑﺘﺪﻓﻲ ﺍﻟﺰﻣﻬﺮﻳﺮ ﺍﻟﻔﻲ ﺍﻟﻌﻀﻢ ﺗﻼﺝ
ﺑﺘﺤﻞ ﻋﻘﺪ ﺍﻟﻀﻤﻴﺮ ﺑﻲ ﺑﺴﻤﻬﺎ ﺍﻟﻔﻼﺝ
..
ﻇﺒﻴﺔ ﺭﻳﻞ ﺑﺴﺎﺗﻴﻦ ﺍﻟﻌﻠﻮ ﺍﻟﻤﺘﺴﺎﻳﻒ
ﻣﻤﻄﻮﺭ ﺑﺮﻗﻚ ﻳﻀﺮﺏ ﻫﻤﺒﺮﻳﺐ ﻭﻋﺴﺎﻳﻒ
ﻳﺎ ﺭﺑﺎﻳﺔ ﺍﻟﻤﺼﺮﻱ ﺍﻡ ﺿﻤﻴﺮﺍ ﻫﺎﻳﻒ
ﺣﻮﺭﺍﺀ ﻭﻓﺮ ﻭﺷﺎﻣﻚ ﺧﻞ ﻧﻮﻣﻲ ﺟﺴﺎﻳﻒ
..
ﻛﺘﻴﻮﻱ ﺍﺏ ﺳﻤﺒﻞ ﺍﻟﺤﺰﻡ ﺍﻟﻄﺮﺍﻳﺪ ﻭﻗﻔﺎ
ﺳﺮﻋﻮ ( ﺍﻳﻴﺐ ) ﻭﺑﺮﻗﺎ ﻓﻲ ﺍﻻﺑﺎﻃﺢ ﺭﻓﺎ
ﺍﻗﻨﻒ ﻭﻣﻮﺟﺔ ﺍﻟﻨﻘﻌﺎﺕ ﺟﺮﻳﺪﻭ ﻏﺮﻓﺎ
ﺳﺎﻫﺎ ﻣﺪﺍﺱ ﺑﻲ ﻛﻔﻔﻮ ﺍﻟﺪﻏﻢ ﺻﺮﻓﺎ
..
ﻋﻘﻴﺪ ﺍﻣﺎﺕ ﻗﻨﻒ ﻧﻄﺎﺭ ﺑﺮﻳﻖ ﺍﻟﻬﺠﻌﺔ
ﻃﻨﺎﻥ ﻛﻮﺭﻭ ﺍﻃﺮﺏ ﻣﻦ ﻗﻤﺎﺭﻱ ﺍﻟﺴﺠﻌﺔ
ﺍﺷﻐﻲ ﻭﻛﻮﻋﻮ ﺑﺎﺭﺯ ﻟﻠﺮﻓﻴﻒ ﻭﺍﻟﻨﺠﻌﺔ
ﺩﻓﺎﻕ ﺩﻭﻣﻮ ﺍﺳﺮﻉ ﻣﻦ ﺩﻣﻮﻉ ﺍﻟﻮﺟﻌﺔ
..
ﻋﻠﻲ ﻳﺎ ﺍﺏ ﺣﺮﺑﺔ ﺟﺪﻳﻊ ﺍﻟﻨﻤﻴﻢ ﺑﺘﺠﺪﺩ
ﻃﺎﺭﻱ ﺍﻟﻌﻨﺪﻭ ﻣﻜﻴﺎﻝ ﺍﻟﺠﻤﺎﻝ ﺑﺘﺤﺪﺩ
ﺍﻟﺨﻼﻧﻲ ﻋﻠﻲ ﺩﻭﺍﺭ ﺑﺜﻴﻨﺔ ﺍﺗﺮﺩﺩ
ﺑﺴﻮﻱ ﺗﻮﺭﻧﺢ ﺍﻟﻮﺍﻟﺪﺓ ﺍﻟﻮﺣﻴﺪﺓ ﻣﻤﺪﺩ
..
ﺩﻋﺎﺷﺎ ﻫﺒﺎ ﻣﻦ ﺗﻌﻞ ﺍﻟﻌﺸﺎ ﺍﻟﺪﻭﺩﺍﻱ
ﺑﻌﻴﺪ ﻟﻤﺎﻋﻮ ﺑﻴﻘﺪﺡ ﻗﺒﻠﺔ ﻣﻦ ﻗﺎﺷﺪﺍﻱ
ﺷﻘﻲ ﺍﻟﺨﺎﻟﻔﺎﺕ (ﺍﻳﻴﺒﻮ) ﻭﺟﺎﺑﺪ ( ﺍﻻﻭﻓﺎﻱ )
ﻋﻠﻲ ( ﻫﺴﻜﺔ ) ﺑﺠﺎ ﺍﻟﻤﺨﺴﻮﻟﺔ ﻓﻲ ﺍﻟﺘﺎﺗﺎﻱ
..
ﺗﺎﺗﺎﻱ ﻋﺎﻧﺲ ﺍﺏ ﻫﺠﺒﺔ ﺍﻟﺨﻼﻟﻮ ﻣﺪﺭﺭ
ﻫﺎﻓﻚ ﻛﻮﺑﺔ ﺍﻟﻘﺒﻄﻲ ﺍﻟﻘﻤﻴﺼﻮ ﻣﺰﺭﺭ
ﻣﺎﻳﻘﻚ ﺣﺒﺔ ﺍﻟﻘﺺ ﺍﻻﺻﻴﻞ ﻭﻣﺤﺮﺭ
ﺍﻟﺮﻳﺪ ﻓﻮﻗﺎ ﻣﻜﺘﻮﺏ ﺑﺎﻟﻤﺪﺍﺩ ﻭﻣﻜﺮﺭ
..
ﻋﻠﻲ ﺍﻟﺨﺪﺍﺩﻭ ﺑﻲ ﻗﺎﺑﻞ ﺍﻟﺮﺯﻡ ﻣﻐﻴﻮﺛﺔ
ﻗﺎﻳﻤﺔ ﺳﻼﻟﺔ ﻣﺎ ﻗﻄﻔﺖ ﻟﺒﺎﻫﺎ ﺍﻟﺴﻮﺳﺔ
ﺑﺮﺍﻗﻚ ﻧﻔﻲ ﺍﻟﻤﺰﺭﺓ ﻭﻛﺘﺢ ﺣﺮﻗﻮﺻﺎ
ﻋﻮﺩ ﻗﻠﺒﻲ ﻟﻲ ﺑﺮﺟﻴﻢ ﺭﺑﺎﺑﺔ ﻣﻮﺳﻲ
..
ﻭﺟﻬﻚ ﻭﺍﻟﺒﺪﺭ ﻓﻲ ﻟﻴﻠﺔ ﺍﻟﻤﻌﺮﺍﺝ
ﺻﺒﺎﻙ ﻓﻲ ﻣﺎﻳﻘﻮ ﺗﻮﻗﺎ ﻧﻘﻌﻮ ﺍﻟﻬﺮﺍﺝ
ﺳﻤﺎﺣﺔ ﺍﻟﻔﺮﻭ ﺑﺮﺍﻕ ﺍﻟﻌﺸﺎ ﺍﻟﻔﺠﺎﺝ
ﻋﻠﻴﻚ ﺑﺰﻭﻉ ﻣﻘﻨﻒ ﺗﻴﺲ ﻧﻘﻴﺮ ﺍﻟﺤﺎﺝ
..
ﻭﺟﻬﻚ ﻭﺍﻟﺒﺪﺭ ﻗﺴﻤﻦ ﺳﻤﺎﻫﻦ ﻭﺳﻬﻠﻦ
ﺣﻘﺒﻚ ﻭﺍﻟﻔﻠﻮ ﺍﻟﺤﺒﻜﻦ ﺳﺒﺎﻳﻜﻮ ﺑﺼﻬﻠﻦ
ﻧﻈﺮﺍ ﺧﺪﻙ ﺍﻟﺮﻳﻞ ﻣﻦ ﺟﻤﺎﻟﻚ ﺟﻬﻠﻦ
ﺷﻴﻮﻣﻚ ﻋﺰﻝ ﺍﺏ ﻗﻨﻔﺔ ﺍﻟﻤﺤﺎﺟﺒﻮ ﺑﺒﻬﻠﻦ
..
ﻋﻴﻮﻧﻚ ﺣﻮﺭﺍﺀ ﺩﻳﻤﺎ ﻣﺤﻨﺒﻘﺔ ﻭﻫﻄﺎﻟﺔ
ﻓﺮﻱ ﻣﻮﺷﻢ ﺍﻟﻤﺰﺭ ﺍﻟﻌﺘﻢ ﻭﺍﺗﻤﺎﻻ
ﺣﺴﺎﻳﺲ ﺍﻟﻠﻴﻞ ﺻﻠﻴﻞ ﺍﻟﻌﻘﺮﺏ ﺍﻟﺸﻮﺍﻻ
ﻳﺎ ﺍﺏ ﺷﻮﺭﺍﺕ ﻏﺪﺍ ﻛﻴﻒ ﺷﻮﻑ ﻧﻈﺮﺗﺎ ﻭﺗﻼﻻ
..
ﻭﺟﻬﻚ ﺩﺍﻟﺔ ﺍﻟﻤﻨﻮ ﺍﻟﻨﺠﻮﻡ ﺑﻬﺎﺭﺓ
ﻧﻔﺴﻚ ﻣﺴﻜﺔ ﺍﻟﻠﺪﺭ ﺍﻟﻤﺪﺍﻗﻦ ﺍﻟﺴﺎﺭﺓ
ﻧﺬﺭﺓ ﻭﻣﻦ ﻣﻼﻋﺒﺔ ﺍﻷﺷﻮ ﻧﻔﺎﺭﺓ
ﺷﻼﺧﻚ ﺑﺤﻮﺭ ﺻﺎﺭﻱ ﺍﺏ ﻋﻠﻲ ﺍﺏ ﻧﻘﺎﺭﺓ
..
ﻧﻔﺴﻚ ﻣﺴﻜﺔ ﺍﻟﻠﺪﺭ ﺍﻟﻌﻴﻮﻧﻮ ﺷﺮﺍﺭﺓ
ﻧﺎﻗﻴﺔ ﻣﻦ ﺍﻟﺪﺷﺮ ﻣﺎﻫﺎ ﺍﻟﻐﻼﺩ ﻓﻘﺎﺭﺓ
ﺟﻨﻴﺒﺔ ﺍﻟﻔﺮﺗﻖ ﺍﻟﻜﺮﻧﺔ ﺍﻟﺴﻜﻞ ﺻﻘﺎﺭﺓ
ﺑﺎﻟﻜﻴﻚ ﺍﻟﺼﻬﻞ ﻓﻮﻕ ﻗﺤﺔ ﺍﻟﻨﻘﺎﺭﺓ
..
ﻧﻔﺴﻚ ﻣﻦ ﻫﻄﻮﻝ ﺍﻟﻌﻴﻨﺔ ﻫﺐ ﺩﻋﺎﺷﻮ
ﻃﺮﻓﻚ ﻛﺤﻠﻮ ﺍﻟﺨﻼﻕ ﺷﺒﻚ ﺭﻣﺎﺷﻮ
ﻟﻮﻧﺎ ﻟﺘﻴﺒﺔ ﺍﻟﺒﺤﺮﻱ ﺍﻟﻄﺮﺏ ﺣﺸﺎﺷﻮ
ﺟﻴﺪﺍ ﺟﺪﺍﻳﺔ ﺍﻟﻘﺒﻞ ﺍﻡ ﻣﺮﻱ ﻣﺮﺷﺎﺷﻮ
..
ﻓﻴﻚ ﺿﻤﺮﺓ ﻳﻬﻮﻩ ﻭﻓﻴﻚ ﺩﻋﺠﺔ ﺍﻟﻜﻴﻼﻥ
ﻓﻴﻚ ﻣﺎ ﻓﻴﻚ ﻃﺒﺎﻳﻌﺎ ﻳﺤﻤﻠﻬﺎ ﺍﻻﻧﺴﺎﻥ
ﻓﻴﻚ ﻛﻔﻞ ﺍﻟﺒﻌﻀﻌﺾ ﻓﻲ ﺍﻟﻠﺠﻢ ﺿﻬﻼﻥ
ﻓﻴﻚ ﺩﻣﺴﻴﺲ ﻧﻌﺎﻣﺎ ﻓﺰﺍ ﺑﺎﻟﻘﻴﺰﺍﻥ
..
ﻓﻴﻚ ﺯﺭﻳﺮ ﺑﺮﺍﻃﻢ ﺍﻟﻜﻮﻝ ﻭﻓﻴﻚ ﻫﺪﻳﻞ
ﻭﻓﻴﻚ ﺑﺴﻤﺎ ﻣﺘﻞ ﻓﺠﺎﺝ ﺳﺤﺎﺏ ﺍﻟﻠﻴﻞ
ﻓﻴﻚ ﻟﻮﻥ ﻟﺘﻴﺒﺎ ﺟﻒ ﻣﻦ ﺍﻟﺴﻴﻞ
ﻓﻴﻚ ﺩﻣﺴﻴﺲ ﻧﻌﺎﻣﺎ ﻓﺰ ﻣﻦ ﺍﻟﺨﻴﻞ
..
ﻓﻴﻚ ﺯﺭﻳﺮ ﺑﺮﺍﻃﻢ ﺍﻟﻜﻮﻝ ﻭﻓﻴﻜﻲ ﻣﺸﻴﻬﻮ
ﻭﻓﻴﻚ ﻟﻬﺠﺎ ﻣﺘﻞ ﺑﻜﺮﻱ ﺍﻟﻌﺴﻞ ﺣﺎﻟﻴﻬﻮ
ﻓﻴﻚ ﻫﻀﻠﻴﻢ ﻧﻌﺎﻡ ﻛﺎﺟﺎ ﺍﻟﻔﻘﻊ ﺗﺎﻟﻴﻬﻮ
ﻓﻴﻚ ﻛﺮﻑ ﺍﻟﺪﺭﺍﺭﻳﺞ ﻓﻲ ﺍﻟﻔﻄﻴﻢ ﺍﻟﻔﻴﻬﻮ
..
ﻓﻴﻚ ﺯﺭﻳﺮ ﺑﺮﺍﻃﻢ ﺍﻟﻜﻮﻝ ﻭﻓﻴﻜﻲ ﻋﻴﻮﻧﻮ
ﻭﻓﻴﻚ ﻟﻮﻧﺎ ﻋﻴﺎﺭ ﺍﻻﻟﻒ ﺑﻘﺼﺮ ﺩﻭﻧﻮ
ﻓﻴﻚ ﻛﻔﻞ ﺍﻟﺒﻌﻀﻌﺾ ﻓﻲ ﺍﻟﻠﺠﻢ ﺑﺴﻨﻮﻧﻮ
ﻓﻴﻚ ﻃﻌﻤﺎ ﺩﻭﺍﻡ ﻓﺎﻗﺪ ﺍﻟﺼﺤﺎﺡ ﻣﺠﻨﻮﻧﻮ
..
ﻓﻴﻚ ﺯﺭﻳﺮ ﺑﺮﺍﻃﻢ ﺍﻟﻜﻮﻝ ﻭﻓﻴﻜﻲ ﺿﻤﺮﺗﻮ
ﻭﻓﻴﻚ ﻟﻬﺠﺎ ﻣﺘﻞ ﺑﻜﺮﻱ ﺍﻟﺒﻨﻮﻧﻲ ﺛﻤﺮﺗﻮ
ﻓﻴﻚ ﻟﻮﻧﺎ ﺑﻮﺍﺟﻪ ﺍﻟﺒﺮﺗﻲ ﻓﻲ ﻣﺠﻤﺮﺗﻮ
ﻭﻓﻴﻚ ﻃﻌﻤﺎ ﺑﺸﺮﻕ ﺍﻟﻀﺎﻳﻘﻮ ﻓﻲ ﺣﻨﺠﺮﺗﻮ
اضف تعليقا