ﻋﻨﺪﻱ ﺭﻓﻴﻖ ﻣﻌﺰﺯ ﻭﺍﻟﻜﺮﻡ ﻣﻦ ﺷﻴﻤﺘﻮ
ﻋﺸﺮﻳﻦ ﺣﻠﻪ ﺗﺸﺒﻊ ﺑﺎﻟﻜﺒﺎﺩ ﻓﻲ ﻭﻟﻴﻤﺘﻮ
ﻣﺎ ﺑﺒﺎﺭﻱ ﺍﻟﺴﻔﻴﻪ ﻭﺍﻟﻼﻓﻲ ﺑﻴﻬﺎ ﻧﻤﻴﻤﺘﻮ
ﺯﻱ ﺍﻟﻤﺎﺱ ﺍﺧﻮﻱ ﻳﻮﻣﺎﺗﻲ ﺑﺘﺰﻳﺪ ﻗﻴﻤﺘﻮ
ﺭﻓﻴﻘﻮ ﺑﺸﻴﻠﻮ ﻓﻮﻕ ﺍﻟﺮﺍﺱ ﻭﻣﺎ ﺑﻤﻜُﺮﺑﻮ
ﺍﻻ ﺍﻥ ﺣﺴﻪ ﻓﻴﻬﻮ ﺍﻟﺮﺧﻮﻩ ﺑﻤﺸﻲ ﻳﻜُﺮﺑﻮ
ﺍﻥ ﻫﺎﺝ ﻣﻨﻮ ﺭﻫﺒﻪ ﻋﺪﻭﻫﻮ ﻣﺎ ﺑﻜﻮﻥ ﻗُﺮﺑﻮ
ﺍﺳﺪﺍً ﺑﻜﺘﻞ ﺍﻟﺰﻭﻝ ﺧﻠﻌﻪ ﻗﺒﻞ ﻳﻀﺮﺑﻮ
ﻓﻲ ﺍﻟﺪﻧﻴﺎ ﺍﻟﻤﺒﺪﻟﻪ ﻛﻞ ﻳﻮﻡ ﺍﺣﻮﺍﻟﻪ
ﻗﻴﻤﺔ ﺍﻟﻨﺎﺱ ﺑﻘﺖ ﺑﻲ ﺳﻠﻄﺘﻪ ﻭﺍﻣﻮﺍﻟﻪ
ﻓﻴﻬﺎ ﻣﻜﺠﻦ ﺍﻟﻘﺎﻫﺮﻩ ﺍﻟﻤﻨﺎﺑﺬﻩ ﺍﺧﻮﺍﻟﻪ
ﻭﺍﻟﺮﺍﺟﻞ ﺍﻟﺒﻘﺖ ﻫﻤﻮ ﻭﺷﻐﻠﺘﻮ ﻗﻮﺍﻟﻪ
انا خاويت رجالا كلهم فراس
منقودين نقد من كافه الاجناس
يوم الكوع إحــر ساعة الرجال تنقاس
كلامهم يبقي سيف واللفح في الراس
اخواني البعافو المتكرات واشباها
فبهم قوة طيبه وخــوه جود ونباها
رجالا عاليه بي فوق الثريا جباها
بفخر وافتخر بي خوتهم واتباها
خاويت البفتتح للمساكين بيتو
وخاويت اللصم الما كتر لخبيتو
خاويت البسامح كلما جافيتو
إلا الخملة من ما قمته ماخاويتو
..
سمح الزول يكون اجواد وصافي سريرة
وسمح الفقد الاخوان ويعامل الجير
مهما حياتنا طالت ولا لينا قصيرة
الاعمار بتكمل والبتبقى السيرة
اضف تعليقا