ﻭﺩ ﺷﻮﺭﺍﻧﻲ ﻭﺍﻟﻮﺻﻒ ﺑﺎﻟﺤﺮﻭﻑ ﺍﻻﺑﺠﺪﻳﻪ :
○○○○○○
(ﺃ )
ﺑﻲ ﺍﻻﻟﻒ ﺍﻟﺘﺄﻟﻒ ﻓﻮﻗﺎ ﻣﻲ ﺷﺎﺣﺪﺍﻫﻮ
ﺭﻳﺪﺓ ﻣﺨﻠﻲ ﺍﻧﻔﺴﻨﺎ ﺍﻟﺼﺒﺮ ﺟﺎﺣﺪﺍﻫﻮ
ﺑﺮﺕ ﺍﻟﻘﻠﺐ ﺑﻌﺪ ﻣﺎﻗﻠﺖ ﺷﻴﺒﻮ ﻫﺪﺍﻫﻮ
ﺳﻬﺮﺍﻥ ﺑﺎﻛﻲ ﻭﺩﻋﻴﻨﻲ ﺍﻟﻐﻤﻴﺪ ﻋﺎﺩﺍﻫﻮ
( ﺏ )
ﺑﻲ ﺍﻟﺒﺎﺀ ﺑﺎﺑﻮ ﻗﺎﻓﻞ ﻣﻦ ﺳﻌﻮﺏ ﻭﺻﻌﻠﻖ
ﻋﻔﻴﻒ ﻭﻏﺮﺍﻣﻮ ﺟﺎﺭﺡ ﻭﻗﻠﺒﻲ ﻓﻴﻬﻮ ﺍﺗﻌﻠﻖ
ﻋﺎﺷﻘﻲ ﺍﻟﻌﺎﺩ ﻟﻲ ﺣﺎﻟﺔ ﻗﻴﺲ ﻭﺍﺑﻦ ﺣﻠﻖ
ﺳﻤﺤﺎ ﺩﻳﺴﻮ ﻧﺎﺯﻝ ﻓﻮﻕ ﻗﺼﺎﺭﻭ ﻣﻜﻠﻖ
( ﺕ )
ﺑﻲ ﺍﻟﺘﺎﺀ ﺗﺘﺎﺗﻲ ﺍﻟﻤﺸﻴﺔ ﻭﺗﻤﻮﺡ ﻣﺘﺎﻛﻴﺔ
ﺣﺎﻭﻳﺔ ﺟﻤﺎﻝ ﻭﺫﻭﻕ ﻭﺍﻧﺪﺍﺩﺍ ﻣﻨﻬﺎ ﺷﺎﻛﻴﺔ
ﺳﻤﺤﺔ ﺍﻟﻔﻲ ﺍﻟﺴﻴﺮ ﺑﻴﻬﺎ ﺍﻟﻤﺠﺎﻟﺲ ﺣﺎﻛﻴﺔ
ﻟﻲ ﻋﻠﻴﻬﺎ ﻗﻠﺒﺎ ﻧﺎﺡ ﻭﻋـــــــــــــــﻴﻨﺎ ﺑﺎﻛﻴﺔ
( ﺙ )
ﺑﻲ ﺍﻟﺜﺎﺀ ﺛﺎﻧﻴﺔ ﻋﻨﺪﻫﺎ ﻛﺴﺮﺓ ﺍﻟﺘﺎﻳﺒﻴﻦ
ﻳﺴﻬﺮﻭﺍ ﻻﻣﻦ ﺍﻟﻔﺮﺍﻉ ﺣﻤﺎﺭﻭ ﻳﺒﻴﻦ
ﺍﻻﻧﻨﺎﺱ ﻣﻊ ﺍﻟﺤﻠﻮ ﻭﺍﻟﻌﻨﺐ ﻭﺍﻟﺘﻴﻦ
ﺣﻼﺓ ﻟﻬﺞ ﺍﻟﻔﺮﻳﺪ ﻓﻲ ﻋﺼﺮﻭ ﻣﺎﻟﻮ ﻭﺯﻳﻦ
( ﺝ)
ﺑﻲ ﺍﻟﺠﻴﻢ ﺟﻤﻠﺔ ﺣﺎﻛﻤﺔ ﺍﻣﺎﺕ ﺷﻠﻮﺥ ﻭﺍﻟﺴﺎﺩﺓ
ﻓﺮﻗﻬﺎ ﺧﻼ ﻭﺳﻦ ﺍﻟﻨﻮﻡ ﺣﺮﺩﻧﺎ ﻭﻋﺎﺩﻯ
ﺍﻻﺣﻤﺎﻧﺎ ﻧﻌﻘﻞ ﻭﻧﺴﺘﺤﻲ ﻭﻧﺘﻬﺎﺩﻯ
ﻧﺤﻦ ﻋﻠﻴﻬﺎ ﺩﻭﻥ ﺍﻟﻨﺎﺱ ﻗﻠﻮﺑﻨﺎ ﻣﺮﺍﺿﻰ
( ﺡ)
ﺑﻲ ﺍﻟﺤﺎﺀ ﺣﺎﻭﻳﺔ ﺫﻭﻕ ﻭﺟﻤﺎﻝ ﻭﻇﺮﻑ ﻭﻋﻔﺎﻑ
ﻣﻦ ﻟﺴﻌﺎﺕ ﻏﺮﺍﻣﺎ ﺍﻟﺤﺎﺩ ﺑﻘﻴﻨﺎ ﻧﺨﺎﻑ
ﻣﻘﺎﻃﻊ ﺍﻟﺨﻴﻞ ﻣﺤﺎﺳﻦ ﺍﻻﺭﻳﻞ ﺍﻟﺸﺮﺍﻑ
ﺗﺮﺍﻫﻦ ﻓﻲ ﺍﻟﺬﻛﻲ ﺍﻟﻠﻲ ﺭﺅﺅﺱ ﺍﻛﺎﺑﺮ ﻻﻑ
( ﺥ)
ﺑﻲ ﺍﻟﺨﺎﺀ ﺧﺎﻳﻞ ﺍﻟﻐﻨﺎ ﻓﻮﻗﺎ ﺑﺘﺤﻖ ﻗﻮﻟﻮ
ﺍﺭﻳﻞ ﻭﺻﻴﺪﺓ ﻗﻔﺮﺑﻲ ﺍﻟﺒﻄﺎﻧﺔ ﺳﻠﻮﻟﻮ
ﻋﺎﺟﺒﺎﻧﻲ ﻭﻋﻠﻴﻬﺎ ﺍﻟﻨﺎﺱ ﺟﺮﻱ ﻓﻜﺮﻭﻟﻮ
ﺑﻲ ﻭﺩ ﺍﻟﻜﺰﺍﺯﻱ ﺍﻻﺻﻬﺐ ﺍﻟﺸﺮﻓﻮﻟﻮ
( ﺩ )
ﺑﻲ ﺍﻟﺪﺍﻝ ﺩﺍﻝ ﻋﻠﻲ ﻛﻮﻧﻮ ﺍﻟﺠﻤﺎﻝ ﻫﻮ ﻓﺮﻳﺪﻭ
ﻭﻳﺴﻬﻞ ﻋﻨﺪﻧﺎ ﺍﻟﻐﻨﺎ ﻭﻛﺘﻴﻦ ﻳﻜﻮﻥ ﻓﻮﻕ ﺳﻴﺪﻭ
ﻃﺒﻌﻮ ﻣﺨﻠﻲ ﻛﻞ ﺍﻟﻨﺎﺱ ﻗﻠﻮﺑﻨﺎ ﺗﺮﻳﺪﻭ
ﻳﺎﻟﻔﻲ ﺑﺮﻱ ﺩﺍﻙ ﻟﻲ ﻟﻴﻤﻮ ﺗﺪﻧﻲ ﺑﻌﻴﺪﻭ
( ﺫ )
ﺑﻲ ﺍﻟﺬﺍﻝ ﺫﺍﻟﺖ ﺍﻟﻨﻮﻡ ﻣﻨﻲ ﻭﺩﻉ ﺭﺍﺣﻞ
ﻧﻌﻤﻦ ﻟﻴﻬﺎ ﺳﺪﺭﺍ ﺷﺎﺏ ﻭﺭﺩﻓﺎ ﻭﺍﺣﻞ
ﺳﻤﺤﺔ ﻭﺭﺷﺮﺵ ﺍﻻﻣﻴﺎﻕ ﻣﻔﺰﺭ ﻭﻛﺎﺣﻞ
ﺟﻨﻴﺒﺔ ﺧﻴﻞ ﻭﻋﻨﺎﻓﻴﺔ ﺧﺎﺗﻴﺔ ﺳﻮﺍﺣﻞ
(ﺭ )
ﺑﻲ ﺍﻟﺮﺍﺀ ﺭﺅﻳﺘﻬﺎ ﺗﻔﺮﺡ ﺍﻟﻘﻠﻮﺏ ﺍﻟﺤﺎﺯﻧﺎ
ﻫﻲ ﺍﻟﻔﺮﻗﺘﻨﺎ ﺍﻧﺎ ﻭﺍﻟﻨﻮﻡ ﺑﻘﺖ ﺣﺠﺎﺯﻧﺎ
ﺍﻟﺤﻮﻳﺘﺎ ﺭﺍﺟﻞ ﺍﻟﺪﻳﻦ ﻭﺣﺴﻦ ﺍﺳﺘﺎﺫﻧﺎ
ﻣﺎﺷﺎﻫﺪ ﺳﻤﺎﺣﺔ ﻟﻲ ﺟﻤﺎﻻ ﻣﻮﺍﺯﻧﺎ
(ﺯ )
ﺑﻲ ﺍﻟﺰﻳﻦ ﺯﻳﻨﺔ ﺍﻟﻌﻴﻦ ﺍﻟﻨﻔﻮﺱ ﺗﻬﻮﺍﻫﺎ
ﻣﻘﺴﻮﻡ ﻭﻫﺒﻪ ﻣﻮ ﺗﺼﻨﻴﻊ ﺫﻫﻮﻧﺎ ﺫﻛﺎﻫﺎ
ﻓﺮﻕ ﺍﻟﻌﻠﺘﻲ ﺍﻟﺤﺎﺱ ﺑﻴﻬﺎ ﻓﻴﻬﺎ ﺩﻭﺍﻫﺎ
ﺍﻧﺤﻞ ﺻﺤﺘﻲ ﻭﻟﻤﺒﺔ ﺟﻨﺎﻧﻲ ﻃﻔﺎﻫﺎ
(ﺱ )
ﺑﺎﻟﺴﻴﻦ ﺳﻨﻮ ﻓﺎﺭﺣﺔ ﺣﺰﻳﻦ ﻭﺣﺎﻻ ﺿﻤﺎﻳﺮ
ﻣﺎﻫﻤﺎﻫﻮ ﺍﻟﺠﻤﺎﻝ ﺍﻟﻠﻴﺪﻭ ﻃﺎﻋﻢ ﻭﻧﺎﻳﺮ
ﻟﻔﺢ ﺗﻮﺏ ﺍﻟﺪﻟﻊ ﻟﺒﺲ ﺍﻟﻜﻠﻮﺵ ﺑﻲ ﺯﺭﺍﻳﺮ
ﻏﻨﺎﻱ ﻟﻲ ﺍﻟﻐﻴﺮﻭ ﻣﺎﻓﻀﻠﺖ ﻓﻴﻬﻮ ﺩﺧﺎﻳﺮ
(ﺵ )
ﺑﻲ ﺍﻟﺸﻴﻦ ﺣﺎﻟﻲ ﻭﻃﻌﻤﻮ ﻣﻮ ﺭﺍﺗﻴﻠﻲ
ﻭﻣﻦ ﻏﻴﺮ ﻗﻴﺲ ﻭﺑﻦ ﺭﺑﻴﻌﻪ ﺍﺑﻦ ﻣﺜﻴﻠﻲ
ﻋﺠﺰ ﺭﺍﻱ ﺩﻛﺎﺗﺮﺓ ﻛﺒﺎﺭ ﻋﻼﺝ ﺗﻌﻠﻴﻠﻲ
ﻣﺤﺒﻮﺏ ﻗﻠﺒﻲ ﻣﺎﻓﻲ ﻃﺒﻴﺐ ﺑﻼ ﺑﺪﺍﻭﻳﻠﻲ
(ﺹ )
ﺑﻲ ﺍﻟﺼﺎﺩ ﺻﺎﺩﻧﻲ ﺭﻣﺤﻮ ﺍﻟﻔﻲ ﻓﺆﺍﺩﻱ ﻃﻌﻨﻲ
ﻓﺮﻗﻮ ﺷﻌﺮﺑﻮ ﻣﻦ ﺑﻌﺪ ﺍﻟﻜﺒﺮ ﺟﻨﻨﻲ
ﻟﻬﺠﻮ ﻭﻓﻤﻮ ﻋﺠﻜﺎ ﻟﻲ ﺻﺒﻴﺘﻮ ﻣﺤﻨﻲ
ﻓﺎﻗﺪﻭ ﻳﺴﺎﻗﺪ ﺍﻟﻠﻴﻞ ﺍﻟﻄﻮﻳﻞ ﻭﻳﻐﻨﻲ
(ﺽ )
ﺏﻱ ﺍﻟﻀﺎﺩ ﺿﻞ ﻗﻠﺒﻲ ﻭﻫﻢ ﻣﻦ ﻃﻌﻴﻨﻮ
ﻭﺟﻪ ﺣﺮﺑﻮ ﺷﺎﻳﻠﻨﻲ ﻭﺿﺮﺑﻨﻲ ﺑﺮﻳﻨﻮ
ﻓﻲ ﺷﺒﻪ ﺍﻟﻮﺣﺶ ﺟﻴﺪﻭ ﻭﺧﺪﻭﺩﻭ ﻭﻋﻴﻨﻮ
ﻣﻨﻮ ﺍﻻﺻﻬﺐ ﺍﺏ ﺷﻨﺸﻮﻥ ﺣﻔﺎ ﻭﻗﺮﻳﻨﻮ
( ﺍﻟﻄﺎﺀ )
ﺑﻲ ﺍﻟﻄﺎﺀ ﻃﺎﺏ ﺩﻫﺮﻫﺎ ﻭﺣﻈﻬﺎ ﻣﺴﺎﻋﺪﻫﺎ
ﻋﻔﻴﻔﺔ ﻣﺎ ﻫﺎﻛﻞ ﺍﻟﺒﻨﻈﺮﺍ ﺑﻮﺍﻋﺪﻫﺎ
ﺍﻟﺪﺭﻋﺎ ﺍﻟﻌﻘﻴﺪﺓ ﻣﻦ ﺍﻟﺰﻭﺍﻝ ﺑﺎﻋﺪﻫﺎ
ﻟﻴﻬﺎ ﻣﺪﻭﺭ ﺍﻟﺴﺎﺭﻳﺔ ﺍﻟﺮﺯﻡ ﺭﺍﻋﺪﻫﺎ
( ﻉ)
ﺑﻲ ﺍﻟﻌﻴﻦ ﻋﻴﻨﺎ ﻣﺎﻳﻖ ﺍﻟﺒﻲ ﻛﺮﺍﻳﺪﺍ ﺑﺠﺎﺯﻱ
ﻗﻠﺒﻲ ﻳﻨﻮﺡ ﻋﻠﻴﻬﺎ ﻭﺻﺮﺕ ﻣﻨﻬﺎ ﻣﺎﺫﻱ
ﺍﻟﻤﻦ ﻏﻴﺮﺍ ﻇﺎﻫﺮﺍ ﺑﻴﻦ ﺍﺳﺘﻔﺰﺍﺯﻱ
ﺿﻖ ﻋﺎﻧﻴﻼ ﺑﻲ ﺍﺻﻬﺐ ﻣﻬﻮﺭﺓ ﻛﺰﺍﺯﻱ
( ﻍ)
ﺑﻲ ﺍﻟﻐﻴﻦ ﻏﺎﻧﻴﺔ ﻟﻲ ﺟﻼﺳﺎ ﺣﺎﻓﻈﺔ ﻛﻴﻮﻓﺎ
ﻟﻜﻦ ﻓﺎﺭﻣﺎ ﺟﻮﻓﻦ ﻟﻲ ﺣﻮﺍﺭﻱ ﺳﻴﻮﻓﺎ
ﺳﺖ ﺣﺪ ﺍﻟﺠﻤﺎﻝ ﺍﻡ ﻃﺒﻌﻪ ﻣﺎﻟﻮﻓﻪ
ﻣﺎﺑﺮﺿﺎﻻ ﻋﻴﻨﺎ ﻣﺎﻫﺎ ﻣﺆﻣﻨﻪ ﺗﺸﻮﻓﺎ
( ﻑ )
ﺑﻲ ﺍﻟﻔﺎﺀ ﻓﺎﻫﻮ ﻓﺎﻕ ﻋﺴﻞ ﺍﻟﺒﻨﻮﻧﻲ ﺧﻄﺎﺑﻮ
ﻏﺮﺍﻣﻮ ﺗﻌﺐ ﺷﺪﻳﺪ ﻣﻦ ﺳﻴﻔﻮ ﻻﺣﺮﺍﺑﻮ
ﺍﻟﺤﺴﺲ ﺍﻟﺴﻜﻦ ﻋﻘﻠﻲ ﻭﺑﻼﻫﻮ ﻭﺻﺎﺑﻮ
ﺍﻛﺘﻢ ﺳﺮﻭ ﻭﺍﻟﻘﻰ ﺍﻟﻨﺎﺱ ﺗﻌﺮﻑ ﺍﺳﺒﺎﺑﻮ
( ﻕ )
ﺑﻲ ﺍﻟﻘﺎﺗﻒ ﻗﺎﻓﻴﺔ ﺍﻟﻐﻨﺎ ﻳﺎﻧﺪﻳﻢ ﻧﺎﺗﻼﻫﺎ
ﺣﺎﻭﻳﺔ ﺟﻤﺎﻝ ﻭﺫﻭﻕ ﻭﺍﻟﻌﺎﺷﻘﻴﻦ ﻛﺎﺗﻼﻫﺎ
ﺍﻟﺪﺭﻋﺎ ﺍﻟﻌﻘﻴﺪﺓ ﻋﻠﻲ ﻗﻤﺶ ﺷﺘﺎﻫﺎ
ﺧﻠﺖ ﻃﺎﻳﻒ ﺍﻟﻨﻮﻡ ﻣﻘﻠﺘﻲ ﺟﺎﻓﺎﻫﺎ
( ﻙ )
ﺑﻲ ﺍﻟﻜﺎﻑ ﻛﺎﻓﺔ ﺍﻟﻌﺸﺎﻕ ﺗﻨﻮﺡ ﻣﻦ ﻓﺮﻗﻚ
ﺍﺭﻳﻞ ﺷﺎﺭﻓﺔ ﻛﺎﺭﻓﺔ ﺩﻋﺎﺵ ﻭﻳﻘﺪﺥ ﺑﺮﻗﻚ
ﺟﻤﺎﻟﻚ ﻣﺎﻓﻲ ﻗﺒﻠﻲ ﻭﻏﺮﺏ ﻭﺻﻌﻴﺪﻙ ﻭﺷﺮﻗﻚ
ﻃﻌﻤﻚ ﻣﺴﺦ ﺍﻟﺴﺎﺑﻘﺎﻙ ﻭﺍﻟﺒﺘﻌﺮﻗﻚ
( ﻝ )
ﺑﻲ ﺍﻟﻼﻡ ﻻﻡ ﻧﺎﺭﺍ ﻭﻓﻲ ﺍﻟﻔﺆﺍﺩ ﺳﻨﻮﻫﺎ
ﺳﻤﺤﺔ ﻭﻧﺎﺱ ﻣﺠﺎﻻ ﺍﻟﺤﺎﻟﻲ ﻣﺎﺑﻨﺴﻮﻫﺎ
ﺍﻗﻮﻝ ﺍﻟﺮﺍﺗﻌﻪ ﺑﻲ ﻫﺎﻣﺒﺎﻱ ﻭﺭﺍﺩ ﺟﺰﻭﻫﺎ
ﻭﻻ ﺍﻡ ﺣﺮﺣﺮﺓ ﺍﻟﻠﻤﻴﺮﻓﺎﺏ ﺑﺴﻌﻮﻫﺎ
(ﻡ )
ﺑﻲ ﺍﻟﻤﻴﻢ ﻣﺎﻳﻠﺔ ﻧﻔﺴﻲ ﻋﻠﻴﻬﺎ ﻣﺸﺘﺎﻗﺎﻻ
ﻋﺴﻔﺖ ﻧﻮﻡ ﻋﻴﻮﻧﻲ ﻭﻗﻠﺒﻲ ﻃﺎﺭﻱ ﻣﺠﺎﻻ
ﻭﺻﻒ ﺍﻟﻴﺨﺠﻞ ﺍﻟﺪﺭﻩ ﺍﻟﻌﺰﻳﺰﺓ ﺟﻤﺎﻻ
ﻣﻬﺮﺓ ﻣﻘﺘﻴﺔ ﻭﺷﺘﻢ ﺍﻟﻨﺤﺎﺱ ﻗﺤﺎﻻ
( ﻥ)
ﺑﻲ ﺍﻟﻨﻮﻥ ﻧﺎﺩﻳﺔ ﺳﻤﺤﺔ ﺍﻥ ﻧﻈﺮﺗﺎ ﺑﺘﻬﻠﻚ
ﻏﺮﺍﻣﺎ ﺳﻼﺣﻮ ﺍﺻﺒﺢ ﻓﻲ ﺍﻟﻘﻠﺐ ﻣﺘﻤﻠﻚ
ﺳﺖ ﻓﺘﺢ ﺍﻟﻘﻮﺍﻓﻲ ﺍﻟﻄﺮﻗﻬﻦ ﻣﺴﻠﻚ
ﻋﺴﻰ ﻳﺎﻧﻔﺴﻲ ﺑﺎﺏ ﻟﻴﻤﺎ ﺍﻟﻌﺮﺯ ﻳﺴﻬﻠﻚ
( ﻩ )
ﺑﻲ ﺍﻟﻬﺎﺀ ﻭﻫﺎﻭﻱ ﻻﻗﻲ ﺍﻗﺪﺍﻣﻲ ﻣﻲ ﺷﺎﻳﻼﻧﻲ
ﻣﻦ ﺍﻻﺭﻳﻞ ﺍﻟﺮﺍﺩ ﺍﻟﺠﺰﻭ ﺍﻟﺴﻔﻼﻧﻲ
ﺳﻤﺤﺔ ﺍﻟﺮﻳﺪﺍ ﻟﻲ ﻛﻞ ﺍﻟﻘﺒﻞ ﻏﺒﺎﻧﻲ
ﺧﻠﺖ ﻃﺎﻳﻒ ﺍﻟﻐﻤﻴﺪ ﺧﻴﺎﻟﻮ ﺟﻔﺎﻧﻲ
( ﻭ)
ﺑﻲ ﺍﻟﻮﺍﻭ ﻭﺍﻓﺮﺓ ﺳﺎﺑﻠﺔ ﻋﺮﻭﺿﺎ ﻋﺎﻣﺮﺓ ﺩﻳﻮﺷﺔ
ﻟﻜﻦ ﻧﺰﺭﺓ ﻣﺎﻫﺎ ﺍﻟﻠﻲ ﺍﻟﺪﻧﺎﺕ ﻣﻐﺸﻮﺷﺔ
ﻋﻨﺎﻓﻴﺔ ﻛﻠﻒ ﻣﺎﺩﺓ ﺍﺏ ﺣﻔﺎﻓﺔ ﻭﺷﻮﺷﻪ
ﻣﻨﻬﺎ ﻟﻲ ﻭﺟﺪ ﻧﺎﺭ ﺍﻟﻜﻤﻴﻦ ﻣﻔﺮﻭﺷﺔ
( ﻱ )
ﺑﻲ ﺍﻟﻴﺎﺀ ﻳﺎﺑﺴﺔ ﻛﺒﺪﻱ ﻭﻧﺎﺭﺍ ﻣﻲ ﻣﺒﺎﺭﺣﺎﻫﺎ
ﻭﺫﺍﻛﺮﺓ ﻋﻘﻠﻲ ﻣﺶ ﻣﻤﻜﻦ ﻳﻌﻮﺩﺍ ﺻﺤﺎﻫﺎ
ﻓﺮﻳﺪﺓ ﻋﺼﺮﻫﺎ ﺍﻟﻜﺎﻥ ﻧﻔﺴﻨﺎ ﻣﺼﺎﺭﺣﻬﺎ
ﻓﺮﻗﻬﺎ ﻭﺩﺭ ﺍﻟﻨﻮﻡ ﻭﺍﻟﻤﻘﻞ ﺻﺤﺎﻫﺎ
اضف تعليقا